Otegi Gaztañaga Eraikuntzak enpresan, gure bezeroekin konpromisoa hartzea gustatzen zaigu; hau da, kalitatearekin egitea gure lanak, eskainitako aurrekontuaren barruan eta ezarritako epeak betez. Ingurumenarekiko errespetua, euskararen erabilerarekiko konpromisoa eta gure enpresan emakumeen eta gizonen berdintasuna ziurtatzea, horiexek ditugu bazterrean utz ezin ditzakegun beste konpromiso batzuk.

Obrako langileen eskarmenturik eta ardurarik gabe, gure talde teknikoaren prestakuntza eta balioa ez lirateke nahikoak izango; eta, bi horiek gabe, zuzendaritza-taldeak ezingo luke bere lana egin. Otegi Gaztañaga Eraikuntzak enpresan, norabide berean arraun egiten duen giza-taldea eratzea lortu dugu, enpresarekiko konpromisoa duena, eta, bertan, pertsona guztiak sentitzen dira antolakuntzaren zati aktibo.

Gure familia elkartuta edukitzea da gure ilusioa. Gure langileengandik hasita, bezeroengana eta hornitzaileengana. Gipuzkoako eraikuntza-sektorean erreferentziazko enpresa izaten jarraitzeko lanean guztiok.

1987tik, esperientzia bakana eman digu lortu dugun bezero berri bakoitzak, eduki dugun langile bakoitzak, eta, esperientzia horiek pilatuz, enpresa gisa hazi gara. Esperientzia luzaroan pilatzen jarraitzea da gure asmoa.